“ILARIA” არის საკონსულტაციო კომპანია, რომელიც უზრუნველყოფს HR გადაწყვეტილებების სრულ სპექტრს და პროცესების გაციფრულებას ჩვენ მიერ შექმნილი სისტემით. ILARIA-ში HR ექსპერტების გუნდი გთავაზობთ სერვისებს, რომლებიც აუცილებელია თქვენი ორგანიზაციის წარმატებისთვის: HR აუთსორსინგი და რეკრუტინგი, ბაზრის კვლევა, პროგრამული უზრუნველყოფა.

კომპანია “ILARIA” ეძებს დებიტორული დავალიანების მართვის სპეციალისტს პარტნიორი კომპანიისთვის.

პოზიცია: დებიტორული დავალიანების მართვის სპეციალისტი

სამუშაო ფორმატი: სრული

სამუშაო ადგილი: თბილისი, მთაწმინდის რაიონი

ანაზღაურება: 3 000 – 4 000 ლარი

ვაკანტური პოზიციების რაოდენობა: 1

კომპანიისა და პოზიციის შესახებ:
კომპანია ოპერირებს სამედიცინო სფეროში და უზრუნველყოფს დამკვეთებისა და პაციენტების მხარდაჭერას მაღალი ხარისხის, საერთაშორისო სტანდარტების შესაბამისი პრემიუმ კლასის პროდუქტებითა და სერვისებით. მრავალწლიან გამოცდილებასა და დარგობრივ ექსპერტიზაზე დაყრდნობით, კომპანია ორიენტირებულია გრძელვადიან ეფექტიანობაზე და ფინანსური პროცესების სტაბილურობაზე.

დებიტორული დავალიანების მართვის სპეციალისტი პასუხისმგებელია კორპორატიული კლიენტების დავალიანებების კონტროლსა და მართვაზე, გადახდების პროცესების ოპტიმიზაციაზე და გაყიდვების გუნდთან მჭიდრო თანამშრომლობაზე, რათა კომპანიამ უზრუნველყოს ფინანსური მდგრადობა და ეფექტური სამომხმარებლო ურთიერთობები.

ძირითადი ფუნქცია-მოვალეობები:

• კორპორატიული კლიენტების დავალიანებების მონიტორინგი და კონტროლი;
• გადაუხდელი ვალდებულებების იდენტიფიცირება და შესაბამისი ღონისძიებების გეგმის შედგენა;
• გადახდების განრიგის მოლაპარაკება კლიენტებთან;
• დავალიანების მართვის პროცესების ოპტიმიზაცია და რისკების მინიმიზაცია;
• გადახდებთან დაკავშირებული ანგარიშების მომზადება და ანალიზი;
• გაყიდვების გუნდთან მჭიდრო კოორდინაცია კლიენტებთან ურთიერთობისა და ანგარიშების დასარეგულირებლად;
• ფინანსური დოკუმენტაციის, ხელშეკრულებების და CRM სისტემების მართვა;
• პროფესიული ცოდნის მუდმივი განახლება და საუკეთესო პრაქტიკის დანერგვა.

საკვალიფიკაციო მოთხოვნები და საჭირო უნარები:

• ფინანსური ან ეკონომიკური მიმართულების უმაღლესი განათლება;
• კორპორატიული B2B კლიენტებთან მუშაობის გამოცდილება, დებიტორული დავალიანების მართვის სფეროში;
• ანალიტიკური აზროვნება და შედეგზე ორიენტირებული მიდგომა;
• მოლაპარაკების წარმოების და პრობლემების გადაჭრის ძლიერი უნარები;
• Excel-ის, ელფოსტის და CRM სისტემების კარგად ცოდნა;
• დამოუკიდებლად მუშაობისა და პასუხისმგებლობის მაღალი დონე;
• ინგლისური ენის ცოდნა;
• ინიციატიურობა, ორგანიზებულობა და პროფესიული ეთიკა.

დაინტერესების შემთხვევაში, თქვენი რეზიუმე გამოგვიგზავნეთ ელექტრონულ ფოსტაზე vacancy@ilaria.ge. გთხოვთ, აუცილებლად მიუთითოთ ვაკანსიის დასახელება – “დებიტორული დავალიანების მართვის სპეციალისტი”.

გთხოვთ, გაითვალისწინოთ, რომ დაკავშირება მოხდება მხოლოდ გასაუბრებისთვის შერჩეულ კანდიდატებთან.

გისურვებთ წარმატებას!