“ILARIA” არის საკონსულტაციო კომპანია, რომელიც უზრუნველყოფს HR გადაწყვეტილებების სრულ სპექტრს და პროცესების გაციფრულებას ჩვენ მიერ შექმნილი სისტემით. ILARIA-ში HR ექსპერტების გუნდი გთავაზობთ სერვისებს, რომლებიც აუცილებელია თქვენი ორგანიზაციის წარმატებისთვის: HR აუთსორსინგი და რეკრუტინგი, ბაზრის კვლევა, პროგრამული უზრუნველყოფა.

კომპანია “ILARIA” ეძებს “გაყიდვების დირექტორს” პარტნიორი კომპანიისთვის, რომელიც წარმოადგენს ფინანსურ სექტორს.

პოზიცია: გაყიდვების დირექტორი

სამუშაო ფორმატი: სრული განაკვეთი, on-site

სამუშაო გრაფიკი: კვირაში 5 დღე

სამუშაო საათები: 09:30 – 18:30

ანაზღაურება: 10,000 – 12,000 ლარი (Net)

ვაკანტური პოზიციების რაოდენობა: 1

ძირითადი ფუნქცია-მოვალეობები:

სტრატეგიული მართვა და დაგეგმვა

• გაყიდვების სტრატეგია: კომპანიის გრძელვადიანი გაყიდვების სტრატეგიის შემუშავება, მათ შორის, საცალო და კორპორატიული მიმართულებების განვითარება;
• კვალიფიციური საკადრო რესურსებით კომპლექტაციაში მაქსიმალური ჩართულობა;
• ბიუჯეტირება და პროგნოზირება: ყოველთვიური, კვარტალური და წლიური გაყიდვების გეგმების, პროგნოზებისა და ბიუჯეტების შედგენა და მათი შესრულების მონიტორინგი;
• ბაზრის ანალიზი: ბაზრის ანალიზისა და კონკურენტული გარემოს, ასევე მომხმარებელთა საჭიროებების პერმანენტული შეფასებების საფუძველზე, სტრატეგიაში ცვლილებების ასახვა.

ოპერაციული მართვა და ეფექტურობა

• სტრუქტურის მართვა: მენეჯერების სამუშაო პროცესის ზედამხედველობა და კოორდინაცია;
• KPI-ების დადგენაში ჩართულობა: ჯგუფებისთვის და ინდივიდუალური გაყიდვების აგენტებისთვის შესრულების ძირითადი ინდიკატორების (KPI-ების) დადგენასა და გაუმჯობესებაში მონაწილეობა და შესრულების სისტემატიური შეფასება;
• CRM პროგრამის შესწავლა-ანალიზი და მისი გაუმჯობესებისათვის წინადადებების (ტექნიკური დავალების) მომზადება IT დეველოპერებისათვის;
• გაყიდვების პროცესები: სტანდარტული გაყიდვების პროცედურების (SOP) შემუშავება და მართვა;
• ტრენინგი: გაყიდვების ჯგუფების უწყვეტი ტრენინგის პროგრამების ინიცირება და შესრულების უზრუნველყოფა;
• მსხვილ კორპორაციებთან და საკვანძო პარტნიორებთან (მაგ. ბანკები, სალიზინგო კომპანიები) ურთიერთობების დამყარება და განმტკიცება;
• პროდუქტების ადაპტაცია: კორპორატიული კლიენტებისთვის ინდივიდუალური სადაზღვევო პაკეტების (ვორდინგების) ადაპტირებისა და შეთავაზების პროცესის მართვა.

ადამიანური რესურსების მართვა

• გაყიდვების ლიდერების შერჩევა, განვითარება და შეფასება;
• ეფექტური საკომუნიკაციო არხების უზრუნველყოფა დაქვემდებარებულ პერსონალთან (დაახლოებით 40–50 თანამშრომელი);
• ყველა თანამშრომელისათვის პროდუქტების ცოდნის, სადაზღვევო რეგულაციების, CRM პროგრამებისა და გაყიდვების უნარების განვითარებისათვის სწავლების ხელმისაწვდომობის უზრუნველყოფა.

საკვალიფიკაციო მოთხოვნები

განათლება და გამოცდილება

• უმაღლესი განათლება ბიზნეს ადმინისტრირების, ეკონომიკის ან ფინანსების მიმართულებით (სასურველია მაგისტრის ხარისხი);
• მინიმუმ 5–7 წლიანი სამუშაო გამოცდილება გაყიდვების მენეჯმენტში, საიდანაც არანაკლებ 3 წელი ფინანსური სექტორის გაყიდვების მაღალ მმართველობით რგოლში;
• ქართული (სავალდებულო); ინგლისური – B2 დონე (B2B სეგმენტთან ურთიერთობისთვის სავალდებულო);
• CRM სისტემებთან და საოფისე პროგრამებთან მუშაობა მაღალ დონეზე.

პროფესიული უნარები

• მასშტაბური გაყიდვების გუნდის შთაგონების, მოტივირებისა და ზრდის უნარი;
• გაყიდვების გეგმების და სტრატეგიების შემუშავება და განხორციელება;
• მაღალ დონეზე მოლაპარაკებების წარმოება, განსაკუთრებით მსხვილ კორპორატიულ კლიენტებთან;
• მონაცემების (Sales Funnel, Conversion Rates, Attrition Rate, KPI) ანალიზი და ამის საფუძველზე გადაწყვეტილებების მიღება.

დაინტერესების შემთხვევაში, თქვენი რეზიუმე გამოგვიგზავნეთ ელექტრონულ ფოსტაზე vacancy@ilaria.ge გთხოვთ, აუცილებლად მიუთითოთ ვაკანსიის დასახელება: “გაყიდვების დირექტორი”.

გთხოვთ, გაითვალისწინოთ, რომ დაკავშირება მოხდება მხოლოდ გასაუბრებისთვის შერჩეულ კანდიდატებთან.

გისურვებთ წარმატებას!