“ILARIA” არის საკონსულტაციო კომპანია, რომელიც უზრუნველყოფს HR გადაწყვეტილებების სრულ სპექტრს და პროცესების გაციფრულებას ჩვენ მიერ შექმნილი სისტემით. ILARIA-ში HR ექსპერტების გუნდი გთავაზობთ სერვისებს, რომლებიც აუცილებელია თქვენი ორგანიზაციის წარმატებისთვის: HR აუთსორსინგი და რეკრუტინგი, ბაზრის კვლევა, პროგრამული უზრუნველყოფა.

კომპანია “ILARIA” ეძებს ექსპორტის კოორდინატორს პარტნიორი კომპანიისთვის.

პოზიცია: ექსპორტის კოორდინატორი

სამუშაო ფორმატი: სრული, on-site

სამუშაო გრაფიკი: ორშაბათი-პარასკევი

სამუშაო საათები: 10:00–19:00

ანაზღაურება: 2 000 – 3 000 ლარი

ვაკანტური პოზიციების რაოდენობა: 1

პოზიციის აღწერა:

ექსპორტის კოორდინატორი პასუხისმგებელია საქონლის ლოჯისტიკურ პროცესებზე, საერთაშორისო პარტნიროებთან კომუნიკაციასა და შესაბამისი დოკუმენტაციის წარმოებაზე. კოორდინატორი უზრუნველყოფს პროცესების კონტროლსა და ოპტიმიზაციას კომპანიის შიდა სტანდარტების შესაბამისად, თანამშრომლონს სხვადასხვა დეპარტამენტთან და ჩართულ მხარეებთან.

ძირითადი ფუნქცია-მოვალეობები:

• შესაბამისი დოკუმენტაციის წარმოება, გადამოწმება, კონტროლი;
• კომპანიის შიდა აღრიცხვის პროგრამაში მუშაობა;
• საჭიროების შემთხვევაში საბაჟო პროცედურებისა და დოკუმენტაციის მართვა;
• პარტნიორებისგან მიღებული ინფორმაციის სიზუსტისა და სისრულის უზრუნველყოფა: საქონლის აღწერა, ღირებულების გადამოწმება. მიწოდების ვადების დაგეგმვა;
• დამკვეთებისა და სხვა შესაბამისი სამსახურისთვის საჭირო ინფორმაციის დროული მიწოდება;
• საქონლის ადგილმდებარეობის პერიოდული მონიტორინგი დანიშნულების ადგილზე მისვლამდე;
• საჭირო რეპორტების მომზადება;
• სხვადასხვა ბიზნეს სეგმენტთან კოორდინაცია: გაყიდვების სამსახურთან, გადამზიდავთან, საბაჟო ბროკერთან და სხვა.

საკვალიფიკაციო მოთხოვნები და საჭირო უნარები:

• საბაჟო პროცედურების ცოდნა;
• აუცილებელია ინგლისური, სასურველია რუსული;
• ორგანიზებულობა, დროის ეფექტური მართვა და დამოუკიდებლად მუშაობის უნარი;
• საოფისე პროგრამების გამოყენების პრაქტიკული გამოცდილება;
• დეტალებზე ორიენტირებულობა და ანალიტიკური აზროვნება;
• გუნდური მუშაობისა და პროფესიული კომუნიკაციის უნარები.

დაინტერესების შემთხვევაში, თქვენი რეზიუმე გამოგვიგზავნეთ ელექტრონულ ფოსტაზე vacancy@ilaria.ge. გთხოვთ, აუცილებლად მიუთითოთ ვაკანსიის დასახელება – “ექსპორტის კოორდინატორი”.

გთხოვთ, გაითვალისწინოთ, რომ დაკავშირება მოხდება მხოლოდ გასაუბრებისთვის შერჩეულ კანდიდატებთან.

გისურვებთ წარმატებას!