თბილისი
სრული განაკვეთი
"ILARIA" არის საკონსულტაციო კომპანია, რომელიც უზრუნველყოფს HR გადაწყვეტილებების სრულ სპექტრს და პროცესების გაციფრულებას ჩვენ მიერ შექმნილი სისტემით. ILARIA-ში HR ექსპერტების გუნდი გთავაზობთ სერვისებს, რომლებიც აუცილებელია თქვენი ორგანიზაციის წარმატებისთვის: HR აუთსორსინგი და რეკრუტინგი, ბაზრის კვლევა, პროგრამული უზრუნველყოფა.
კომპანია "ILARIA" ეძებს "იურისტს" პარტნიორი კომპანიისთვის, რომელიც ელექტრონული კომერციის მიმართულებით მუშაობს და მომხმარებლებს ონლაინ შოპინგის პლატფორმას სთავაზობს.
პოზიცია: "იურისტი"
სამუშაო ფორმატი: სრული, on-site
სამუშაო გრაფიკი: ორშაბათი-პარასკევი
სამუშაო საათები: 10:00 – 19:00
ანაზღაურება: 5 000 – 6 000 ლარი (NET)
ვაკანტური პოზიციების რაოდენობა: 1
პოზიციის აღწერა:
კომპანიის საქმიანობის სამართლებრივი უსაფრთხოების, რეგულაციებთან სრული შესაბამისობისა და ბიზნეს პროცესების ეფექტური მხარდაჭერის უზრუნველყოფა, განსაკუთრებით E-commerce სექტორის სპეციფიკის გათვალისწინებით.
ძირითადი ფუნქცია-მოვალეობები:
სამართლებრივი უზრუნველყოფა და შესაბამისობა:
კომპანიის საქმიანობის შესაბამისობის უზრუნველყოფა ელექტრონული კომერციისა და ონლაინ გაყიდვების მარეგულირებელ მოქმედ კანონმდებლობასთან;
მარეგულირებელ ორგანოებთან კომუნიკაცია და სამართლებრივი მოთხოვნების ანალიზი;
პერსონალურ მონაცემთა დაცვისა და მომხმარებელთა უფლებების დაცვის რეგულაციებთან შესაბამისობის მუდმივი მხარდასაჭერა და მონიტორინგი;
შიდა პოლიტიკების, წესებისა და პროცედურების შემუშავება, განახლება და დანერგვა.
კონტრაქტების მართვა:
სხვადასხვა ტიპის ხელშეკრულების მომზადება, ანალიზი და სამართლებრივი რისკების შეფასება (მერჩანტები/მომწოდებლები, ლოგისტიკური პარტნიორები, ტექნოლოგიური პროვაიდერები, მარკეტინგული სააგენტოები, შრომითი ხელშეკრულებები და სხვ.);
საერთაშორისო ხელშეკრულებების სამართლებრივი შეფასება;
ონლაინ პლატფორმისთვის NDA, Terms & Conditions (მოხმარების წესები და პირობები), Privacy Policy (კონფიდენციალურობის პოლიტიკა) და სხვა იურიდიული დოკუმენტების მომზადება/ვალიდაცია.
სამართლებრივი რისკების მართვა:
კომპანიის საქმიანობასთან, საცალო ვაჭრობასა და ონლაინ გაყიდვების სპეციფიკასთან დაკავშირებული სამართლებრივი რისკების იდენტიფიკაცია და პრევენცია;
ონლაინ პლატფორმაზე ახალი პროდუქტების, ფუნქციების ან სერვისების სამართლებრივი შეფასება მათ ბაზარზე ჩაშვებამდე;
მენეჯმენტისთვის სამართლებრივი დასკვნების, მემორანდუმებისა და რეკომენდაციების მომზადება.
დავების მართვა და წარმომადგენლობა:
კომპანიის წარმომადგენლობა სახელმწიფო უწყებებთან (მათ შორის, კონკურენციისა და მომხმარებლის დაცვის სააგენტოსთან, პერსონალურ მონაცემთა დაცვის სამსახურთან), სასამართლოსა და მესამე პირებთან ურთიერთობაში;
მომხმარებელთა პრეტენზიებისა და მიმდინარე დავების სამართლებრივი მხარდაჭერა.
შიდა გუნდებთან თანამშრომლობა:
პროდუქტის განვითარების, ტექნოლოგიურ, ფინანსურ, მარკეტინგისა და ოპერაციულ გუნდებთან მჭიდრო თანამშრომლობა;
სამართლებრივი საკითხების დროული იდენტიფიკაცია ახალი ციფრული და ტექნოლოგიური გადაწყვეტილებების დანერგვისას.
საკვალიფიკაციო მოთხოვნები და საჭირო უნარები:
უმაღლესი იურიდიული განათლება (სასურველია ბიზნეს/სამოქალაქო სამართლის მიმართულებით);
მინიმუმ 3-5 წლიანი სამუშაო გამოცდილება იურისტის პოზიციაზე (აუცილებელია E-commerce, საცალო ვაჭრობის (Retail) ან ონლაინ გაყიდვების სექტორში მუშაობის გამოცდილება);
„მომხმარებლის უფლებების დაცვის შესახებ“ და „პერსონალურ მონაცემთა დაცვის შესახებ“ საქართველოს კანონების საფუძვლიანი ცოდნა და პრაქტიკული გამოცდილება;
ხელშეკრულებების სამართალში (Contract Law) და კორპორაციულ სამართალში ძლიერი პრაქტიკული გამოცდილება;
აუცილებელია ინგლისური და რუსული ენების მაღალ დონეზე ცოდნა (წერითი და ზეპირი - საერთაშორისო კონტრაქტებთან მუშაობისა და პარტნიორებთან კომუნიკაციისთვის);
მაღალი პასუხისმგებლობის გრძნობა, ანალიტიკური აზროვნება და დეტალებზე ორიენტირებულობა;
რისკების სწრაფად შეფასების და დინამიკურ, ცვალებად გარემოში მუშაობის უნარი.
დაინტერესების შემთხვევაში, თქვენი რეზიუმე გამოგვიგზავნეთ ელექტრონულ ფოსტაზე vacancy@ilaria.ge. გთხოვთ, აუცილებლად მიუთითოთ ვაკანსიის დასახელება - “იურისტი“.
გთხოვთ, გაითვალისწინოთ, რომ დაკავშირება მოხდება მხოლოდ გასაუბრებისთვის შერჩეულ კანდიდატებთან.
გისურვებთ წარმატებას!
შეავსეთ ფორმა